Огноо: 2014.08

Нөхцөл байдал
Хан-Уул дүүрэгт байрлах цоо шинэ диско лоунж клуб бол МИНТ юм. Шинэ өнгө төрхтэй шинэлэг шийдэл бүхий энэ клуб зөвхөн бүжиглэж цэнгэхээс гадна тансаг орчинд амарч, ая тухтай тухлах, бизнес уулзалт хийх бүрэн боломжтой. Мөн орон орны ДЖ нар энэ л газар уригдан ирж шинэлэг хөгжим дуугаралтыг үзүүлдэг байна.

IP буюу сүлжээний камер татахаар бүхий л цэгт сүлжээний утас болон тэжээлийн утас татсан байсан. Харамсалтай нь мөн л аналог камерын шийдлээр сүлжээний камерийг төсөөлж бүхий л утсыг хяналтын өрөөнд авчирахаар шийдсэн, мөн татсан утаснууд нь зэсийн орц багатай, холимог байсан нь камер суурилуулахад нэн бэрх байлаа. IP камерын дүрсний тогтвортой байдалд ч муу нөлөө үзүүлэх байдалтайгаар хүлээн авч, ажлыг суурин дээр нь үргэлжлүүлэхээр болсон.

Шийдэл ба үр дүн
Нэгэнт бүхий л монтажийг хийсэн байсан, нээлтээ хийх хугацаа давчуу байсан тул бид хурдан шуурхай ажлыг гүйцэтгэхээр 5 өдрийг зарцууллаа. Диско баар, лоунжид гэрлийн хурц тусгал, тодорхой давтамжтай анивчах гэрэлт хяналтын камер нь өдөр шөнийн шилжилтэнд нөлөөлдөг тул нэг л тохиргоог шаардаж байлаа. Ингээд бид дүрслэл өндөр, хар өнгийн камеруудыг сонгон харуул хамгаалалтын өрөөнд тохиргоо, угсралтыг хийлээ.

Бидний төлөвлөснөөр хяналтын өрөөнд ганцхан сүлжээний утас орж ирэх замаар маш цэвэрхэн, боловсронгуй шийдлийг хүлээлгэн өгөх гэсэн боловч хугацаа давчуу, өмнөх компанид дэндүү их хөрөнгө гаргасан байсан тул байгаагаар нь үргэлжлүүлэхээр болсон юм. Бүхий л ширээ, тек, орох гарах хаалга, шат, лифт зэрэг газруудад камеруудын чигийг тааруулсан. Тэжээл унахаас сэргийлж нөөц тэжээлийг угсарлаа. Нийтдээ 32 ширхэг камерыг хугацаандаа багтаан хүлээлгэн өгсөн билээ.