Огноо: 2014.10

Нөхцөл байдал
Худалдааны төвийн шинэ барилга гадаа эхэлсэн. Суурийн цутгалт ид явагдаж байлаа. Гадаах талбайг бүрэн хянаж, чигийн болон татдаг камерыг байрлуулах хэрэгцээтэй, 30 хоногийн бичлэг хадгалах, хэд хэдэн газар төмөр шон зоож, Скай худалдааны төвийн харуул, Чингис зочид буудлын хамгаалалтын өрөөнд удирдлага, хяналт ирэх ёстой байлаа.

Шийдэл ба дүгнэлт

Сүлжээний камерыг тухайн нөхцөл байдлын онцлогоос хамааран зохион байгуулах бүрэн боломжтой байдаг тул бид зохих зургийн дагуу судалгаа гаргаж, зохион байгуулалтыг хийж, хүсэлт гаргагч талд танилцуулан батлуулсанаар ажил эхэллээ. Заасан газруудад 9 ширхэг FULL HD дүрслэлтэй сүлжээний камеруудыг зоож, бүрэн ажиллагаанд орууллаа. Явцын дунд гарсан урьдчилж төлөвлөх боломжгүй байсан нөхцөлд өөрсдийн хөрөнгөөр нэмж зардал гарган ажлыг бүрэн өгөхийн тулд 10 хоногийн дотор буюу гэрээлсэн хугацаанаас өмнө ашиглалтад орууллаа.

Хяналтыг 2 өөр газар хийж, харилцан ээлжлэн удирдах, бичлэгийг үзэх, сэргээх, хадгалах нь зэрэг явагдаж байлаа. 250 метр хүртэл дүрсийг татан харж, хяналт хийх боломжтой камерыг суурилуулсан нь маш хэрэгцээтэй боллоо гэдгээ захиалагч тал илэрхийлж байсныг дуулгахад таатай байна. Мөн хөдөлгөөн мэдрэгч систем нь хөдөлгөөн бүрийг алдалгүй бичиж, барилгын хорогдол гарах, аюулгүй ажиллагаанд заавар өгөх, ажлын явцад дүгнэлт гаргахад захиалагч талд бүрэн боломжтой боллоо. Гэрээ ёсоор бид 1 жилийн хугацаанд гадны гэмтэлд засвар үйлчилгээ тавьсаар ирлээ.